العالمي محمد صلاح: «هذه وظيفتي بعد الاعتزال»
كشف النجم العالمي محمد صلاح عن جوانب خفية في حياة أسرته، كما فجر مفاجأة بشأن مستقبله بعد اعتزال كرة القدم والمجال الذي يحب أن يكمل فيه بقية حياته.
وروى محمد صلاح نجم منتخب مصر «إنه لم يتخيل عندما كان صغيره رسم صوره جرافيتي»، قائلا «أنه عنما كبر شعر بحاجته للتعب والاجتهاد الكثير مشيرا إلى أنه يتمنى العمل بالكرة بعد الاعتزال أو يصبح رجل أعمال.»
وخلال تصريحاته لبرنامج “صاحبة السعادة” مع الإعلامية إسعاد يونس عبر شاشة دي إم سي كشف عن طقوسه العائلية قائلا: «احنا عائلة بتحتفل بكل حاجة، وماجي كويسة معايا وبنطبخ الأكل العادي ومباكلش فتة ولا ملوخية ولا كوارع، لكن ممكن أكل السلطة مع أي حاجة سمك أو فراخ وممكن جنبها أرز أو بروكلي».
واستكمل «لو أكلت فطير بحس بالذنب، ولو كلت معاه كشري بيكون اليوم قفل، وأخر مرة في مصر كلت فطير الصبح واتعشيت حمام واتغديت كشري وحسيت ان في حاجة نفخت، وخدت بعدها الشهر كله مفيش حاجة خالص ومبضعفش أوي مع الأكل».
اقرأ أيضا: محمد صلاح يدعم صحفي أصيب بالملاريا في كأس أمم أفريقيا
وتابع «بسمح لمكة في يوم السبت تاكل فيه الشكولاته واللي هي عايزاه والقانون ده ماشي علينا كلناو لا أعتقد أن مكة وكيان قد تتعرضان لصدمة ثقافية لأنهما ينزلون باستمرار إلى القاهرة ويتعاملون مع أهلي، خاصة مكة مش هيكون عندها أي صدمة شاطرة أوي وبتعرف تاخد حقها».
وقال نجم ليفربول «هي بتقولي بحب أنزل مصر لأنك هنا بتحطلي قوانين لكن تيتة وجدو بيخلوني أعمل أي حاجة بحبها ، انت بتديني شوكولاتة مرة في الأسبوع لكن في مصر لا بعمل اللي عايزاها ومنعتها عن الأي باد وقت الأكل وبتقضي الوقت تلعب في غرفتها مع كيان، وبتاكل الشوكولاته بس مش كتير، وأعاملها مثلما أعامل نفسي، وفي مصر بتاكل كل حاجة».
